امریکہ میں طیارے میں آگ لگنے سے 15افراد زخمی

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست فلوریڈا کے ایئر پورٹ پرکھڑے مسافر طیارے میں آٓگ لگنے سے 15افراد زخمی ہو گئے ہیں۔ حکام کے مطابق حادثہ فورٹ لاوڈرڈیل ایئر پورٹ پر پیش آیا۔ ڈائنامک انٹرنیشنل ایئرویز کا طیارہ فلوریڈا سے وینزویلا کے لیے اڑان بھرنے کے لیے رن وے پر کھڑا تھا کہ طیارے کے ایک انجن میں اچانک آگ لگ گئی۔ جہاز میں عملے کے ارکان سمیت 101افراد سوار تھے۔
ریسکیو اہلکاروں نے ہنگامی راستوں سے طیارے میں موجود تمام مسافروں کو نکال لیا۔ اس دوران 15افراد زخمی ہوگئے۔ جنھیں اسپتال منتقل کردیا گیا ہے اور حکام واقعے کی تحقیقات کر رہے ہیں۔