تہران فلسطین_ اسرائیل تنازعے کو بڑھانے کا خواہاں نہیں ہے، ایران

مہر نیوز ایجنسی کی رپورٹ کے مطابق، ایرانی وزیر خارجہ حسین امیر عبد اللہیان نے کہا ہے کہ ایرانی حکام نے امریکہ کو سفارتی ذرائع سے مطلع کیا ہے کہ وہ نہیں چاہتے کہ فلسطین اسرائیل تنازعہ بڑھے۔

انہوں نے فنانشل ٹائمز کو بتایا: "امریکہ کے جواب میں ہم نے کہا کہ ایران نہیں چاہتا کہ [اسرائیل اور حماس کے درمیان] جنگ پھیلے لیکن خطے میں امریکہ اور اسرائیل کی طرف سے اختیار کیے گئے نقطہ نظر کی وجہ سے اگر غزہ اور مغربی کنارے کے لوگوں کے خلاف جرائم کو روکا نہیں گیا تو کسی بھی امکان پر غور کیا جا سکتا ہے جو [غزہ میں] ایک وسیع تنازعہ ناگزیر ثابت ہو سکتا ہے"۔ 

ایرانی وزیرخارجہ نے کہا کہ "گزشتہ 40 دنوں کے دوران تہران میں سوئس سفارت خانے میں امریکی مفادات کے سیکشن کے ذریعے ایران اور امریکہ کے درمیان پیغامات کا تبادلہ ہوا ہے۔" اخبار کے مطابق انہوں نے تہران اور واشنگٹن کے درمیان براہ راست مذاکرات کے امکان کو مسترد کر دیا۔

واضح رہے کہ اسرائیل نے 7 اکتوبر کو غزہ پر اس وقت وحشیانہ جارحیت کی جب علاقے کی مزاحمتی تحریکوں نے فلسطینیوں کے خلاف دہائیوں سے جاری خونریزی اور تباہی کی مہم کے جواب میں قابض رجیم کے خلاف حیران کن آپریشن الاقصیٰ طوفان شروع کیا۔

ادھر غزہ کی وزارت صحت کے مطابق غاصب اسرائیل نے کم از کم 11,500 فلسطینیوں کو شہید کیا جن میں 4,630 بچے اور 3,130 خواتین شامل ہیں جب کہ 32,000 سے زیادہ زخمی ہوئے ہیں۔

قبل ازیں اقوام متحدہ میں ایران کے مستقل مندوب نے رائٹرز کو بتایا تھا کہ جب تک اسرائیل اس ملک پر حملہ نہیں کرتا تہران یروشلم کے ساتھ براہ راست تنازعہ میں شامل نہیں ہوگا۔