ہائپرسونک میزائل کا ٹیسٹ ہوچکا ہے، مناسب وقت پر نقاب کشائی کریں گے، جنرل حاجی زادہ

سپاہ پاسداران انقلاب کی ایرو اسپیس فورس کے کمانڈر نے کہا کہ نئے ہائپر سونک بلیسٹک میزائل کا ٹیسٹ ہوچکا ہے اور مستقبل میں مناسب وقت پر اس کی نقاب کشائی کی جائے گی۔ 

مہر خبر رساں ایجنسی کی رپورٹ کے مطابق، سپاہ پاسداران انقلاب کی ایرو اسپیس فورس کے کمانڈر جنرل حاجی زادہ نے حال ہی میں اعلان کیے گئے ہاپر سونک بلیسٹک میزائل کے بارے میں کہا کہ اس میزائل کے ضروری ٹیسٹ ہوچکے ہیں اور مستقبل میں مناسب وقت پر اس کی نقاب کشائی کریں گے۔ 

جنرل حاجی زادہ نے یہ بات سپاہ پاسداران انقلاب کے میزائل یونٹ کے سابق کمانڈر بریگیڈیئر جنرل حسن تہرانی مقدم کی 11ویں برسی کی مناسبت سے منعقدہ تقریب کی سائڈ لائن پر کہی۔

ایرو اسپیس فورس کے کمانڈر کے مطابق یہ میزائل انتہائی تیز رفتار رکھتا ہے اور زمین کی فضا اور فضا سے باہر دونوں جگہ قابل عمل ہے۔

ان کا مزید کہنا تھا کہ یہ میزائل دفاعی نظام کو نشانہ بنانے کے قابل ہوگا اور تمام قسم کے میزائل شکن سسٹمز سے عبور کرنے کی صلاحیت رکھتا ہے۔ ان کا یہ بھی کہنا تھا کہ وہ نہیں سمجھتے کہ دہائیوں تک بھی کوئی ایسی ٹکنالوجی سامنے آسکے گی جو اس میزائل کا مقابلہ کرسکے۔ 

انہوں نے کہا کہ دشمن کے میزائل شکن نظام کو نشانہ بنانے والا یہ نظام میزائلوں کے میدان میں موجودہ دور کی بڑی کامیابی ہے۔  

News Code 1913119

لیبلز

آپ کا تبصرہ

You are replying to: .
  • captcha