حزب اللہ کا حیفا سمیت مقبوضہ فلسطین کے کئی شہروں پر میزائل حملہ

مہر خبررساں ایجنسی نے المیادین کے حوالے سے کہا ہے کہ حزب اللہ نے جنوبی لبنان سے اسرائیلی ساحلی شہر حیفا اور دیگر شہروں پر میزائل حملہ کیا ہے۔

صہیونی ذرائع ابلاغ نے کہا ہے کہ حیفا اور دیگر مقبوضہ علاقوں میں کم از کم 5 میزائل حملے ہوئے ہیں۔

عبرانی میڈیا نے مزید کہا ہے کہ حزب اللہ کا ایک میزائل نہاریا اور دوسرا کریات موتسکین میں گرا ہے۔

حزب اللہ کے حملوں کے بعد حیفا، عکا، کریوت، عرب العرامشہ، المطلہ، شتولا، شومیرا، ایون مناحم اور نطوعہ میں خطرے کے سائرن بجائے گئے ہیں۔

المیادین نے جنوبی لبنان میں اپنے ذرائع کے حوالے سے کہا ہے کہ سرحدی علاقے عدیسہ اور کفرکلا میں حزب اللہ کے مجاہدین اور صہیونی فورسز کے درمیان جھڑپیں بھی ہوئی ہیں۔