مہر خبررساں ایجنسی کی رپورٹ کے مطابق، ایرانی وزارت خارجہ کے ترجمان ناصر کنعانی نے آج اپنے ٹوئٹر اکاؤنٹ پر لکھا ہے کہ دہشت گرد، صیہونی نسل پرست اور غاصب حکومت کو انسانی حقوق اور اس سلسلے میں دوسرے ممالک پر تبصرہ کرنے کا کوئی حق نہیں ہے۔
انہوں نے مزید کہاکہ انسانی حقوق ایک مقدس تصور ہے اور اسلامی جمہوریہ ایران اس کے فروغ کو ایک اسلامی، انسانی، قانونی اور اخلاقی ضرورت سمجھتا ہے۔
وزارت خارجہ کے ترجمان نے کہاکہ انسانی حقوق کی بدترین خلاف ورزی کرنے والوں کے لیے بہتر ہے کہ وہ انسانی حقوق کے اپنے شرمناک عمل کو دیکھتے ہوئے انسانی حقوق کو سیاسی آلہ کار کے طور پر استعمال کرنا چھوڑ دیں۔
کنعانی نے مزید لکھا کہ امریکی حکومت سمیت دیگر انسانی حقوق کی کھلی خلاف ورزی کرنے والے مغربی انسانی حقوق کے جھوٹے دعویدار انسانی ضمیر کی عدالت میں قابل مذمت ہیں۔
آپ کا تبصرہ