مشہد مقدس، مقاومت کے لئے چندہ مہم، بھارتی زائرین کا ایک کلو سے زائد سونے کا عطیہ

مہر خبررساں ایجنسی کی رپورٹ کے مطابق، ایران کے مختلف شہروں میں فلسطین اور لبنان کی مقاومتی تنظیموں کے لئے چندہ مہم عروج پر ہے۔

مشہد مقدس میں حضرت امام رضا علیہ السلام کے حرم میں چندہ مہم کے سلسلے میں زائرین امام رئوف اس مہم میں بڑھ چڑھ کر حصہ لے رہے ہیں۔

بھارت سے تعلق رکھنے والے زائرین نے مہم میں حصہ لیتے ہوئے ایک کلو سونا مقاومت کے لئے چندہ دیا ہے۔

حرم مطہر میں جمعرات، جمعہ اور ہفتے کے دن خصوصی چندہ مہم جاری ہے۔ مہم کے دوران مختلف شعبوں میں فعال اور معروف شخصیات عطیہ دینے والوں کی حوصلہ افزائی کے لئے موجود ہیں۔