ممبئی میں بارشوں اور لینڈ سلائیڈنگ میں اب تک 125 افراد ہلاک

بھارتی شہر ممبئی میں گزشتہ ایک ہفتے سے جاری بارشوں میں لینڈ سلائیڈنگ، کرنٹ لگنے اور دیگر واقعات میں ہلاک ہونے والوں کی تعداد 125 سے زائد ہوگئی ہے۔

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارتی شہر ممبئی میں گزشتہ ایک ہفتے سے جاری بارشوں میں لینڈ سلائیڈنگ، کرنٹ لگنے اور دیگر واقعات میں ہلاک ہونے والوں کی تعداد 125 سے زائد ہوگئی ہے۔  اطلاعات کے مطابق ممبئی میں مون سون بارشوں کا سلسلہ جاری ہے، 250 ملی میٹر بارش سے نیا ریکارڈ قائم ہوگیا جب کہ بارشوں کے آغاز سے اب تک ہلاک ہونے والوں کی تعداد 125 سے زائد ہوگئی جب کہ زخمیوں کی تعداد 500 سے اوپر پہنچ گئی۔

ریکارڈ بارشوں کے بعد کئی کلومیٹر تک پٹڑیاں زیر آب آنے کے باعث ٹرین سروس معطل ہوگئی ہیں جب کی دیگر ذرائع آمد و رفت بھی دستیاب نہیں۔ شہریوں کو کافی پریشانی کا سامنا ہے۔

کسی ممکنہ حادثے کے پیش نظر میونسپل اداروں اور فائر بریگیڈ کو الرٹ کردیا گیا ہے جب کہ اسپتالوں میں ایمرجنسی نافذ کردی گئی ہے۔ سڑکوں پر جگہ جگہ درخت اور بل بورڈز گرے ہوئے ہیں اور بجلی کا نظام درہم برہم ہوگیا۔

News Code 1907502

لیبلز

آپ کا تبصرہ

You are replying to: .
  • 6 + 5 =