امریکی ڈرون نے امارات کے ایک ايئر پورٹ سے اڑان بھری تھی

اسلامی جمہوریہ ایران کے ہاتھوں امریکی ڈرون کو سرنگوں کرنے کے 24 گھنٹے بعد معلوم ہوا ہے کہ امریکی ڈرون نے متحدہ عرب امارات کے ایک ایئر پورٹ سے اڑان بھری تھی۔

مہر خبررساں ایجنسی نے اسپوٹنک کے حوالے سے نقل کیا ہے کہ اسلامی جمہوریہ ایران کے ہاتھوں امریکی ڈرون سرنگوں ہونے کے 24 گھنٹے بعد معلوم ہوا ہے کہ امریکی ڈرون نے متحدہ عرب امارات کے ایک ایئر پورٹ سے اڑان بھری تھی۔اطلاعات کے مطابق امریکی ڈرون نے امارات کے الظفرہ ہوائی اڈے سے اڑان بھری تھی۔ الظفرہ ہوائی اڈہ ابوظہبی سے 32 کلو میٹر کے فاصلے پر مصفح علاقہ میں واقع ہے۔ امریکہ نے اس سے قبل اعلان کیا تھا کہ امریکی ریاست کیرولینائی شمالی سے  " ایف 15 ای اسٹرایک ایگل " طیارہ اسکواڈرن امارات کے الظفرہ ایئر پورٹ پر منتقل کیا جائےگا۔

واضح رہے کہ اسلامی جمہوریہ ایران کی سپاہ پاسداران نے ایران کی فضائی حدود کی خلاف ورزی کرنے والے امریکی ڈرون طیارے "  آرکیو 4 گلوبل ہاک " کو کل سرنگوں کردیا تھا۔ سپاہ پاسداران انقلاب اسلامی کے رابطہ عامہ نے اس سلسلے میں ایک بیان صادر کیا تھا، جس میں کہا گیا تھا کہ ایران کے صوبہ ہرمزگان میں کوہ مبارک کے علاقہ میں امریکی جاسوس ڈرون " گلوبل ہاؤک " نے ایرانی فضائی حدود کی خلاف ورزی کی ، جسے پاسداران انقلاب اسلامی کی فضائیہ نے بر وقت کارروائی کرتے ہوئے مار گرایا۔

News Code 1891533

لیبلز

آپ کا تبصرہ

You are replying to: .
  • 4 + 5 =