ڈونلڈ ٹرمپ کی امیگریشن پالیسیوں کے خلا ف وائٹ ہائوس کے سامنے احتجاج جاری

مہر خبررساں ایجنسی نے رائٹرز کے حوالے سے نقل کیا ہے کہ امریکی صدر ڈونلڈ ٹرمپ کی امیگریشن پالیسیوں کے خلا ف وائٹ ہائوس کے سامنے احتجاج جاری ہے جبکہ مظاہرین نے ٹرمپ سے 7 مسلم ملکوں کے افراد کے امریکہ داخلے پر پابندی ختم کرنے کا مطالبہ کیا ہے۔ اس کے علاوہ واشنگٹن ،بوسٹن اور نیو یارک سمیت کئی امریکی شہروں میں ہزاروں افراد کی ریلیاں اور مظاہرے جاری ہیں۔ ایک اندازے کے مطابق 10 ہزار سے زائد افراد مظاہروں میں شریک ہیں جن میں خواتین اور بچے بھی شامل ہیں۔