ایران کے ایک بار پھر اسرائیل پر جوابی حملے، مقبوضہ سرزمینیں آگ کی لپیٹ میں

مہر خبررساں ایجنسی کی رپورٹ کے مطابق، سپاہ پاسداران انقلاب اسلامی کے میزائل مرحلہ چہارم آپریشن "وعدہ صادق ۳" کے تحت صہیونی حکومت کے ٹھکانوں پر داغے گئے۔ سپاہ پاسداران کی فضائیہ کی جانب سے یہ ایک مرکب اور جارحانہ کارروائی تھی جس میں درجنوں میزائل اور ڈرون شامل تھے۔

ایرانی حکام نے پہلے ہی تاکید کی تھی کہ صہیونی حکومت کی کسی بھی قسم کی مہم جوئی کا بھرپور اور فیصلہ کن جواب دیا جائے گا۔

صہیونی حکومت کے وحشیانہ حملے کے جواب میں مقبوضہ علاقوں کی طرف سیکڑوں بیلسٹک میزائل فائر کیے گئے، تاکہ اس جارحیت کا منہ توڑ جواب دیا جا سکے۔

ایرانی مسلح افواج کے بہادر سپاہیوں نے اپنی بلند دفاعی صلاحیتوں اور مکمل تیاری کے ساتھ، ملک کے مختلف مراکز سے سینکڑوں میزائل داغ کر اس حملے کا بھرپور جواب دیا۔

ایرانی میزائل حملے کے دھماکے کی شدت کی ایک اور تصویر سامنے آ گئی

حیفا میں ہر طرف آگ ہی آگ

ایران کا صہیونی جارحیت کا میزائلوں حملوں کے ذریعے جواب

اب تک ایران کے میزائلوں کے تل ابیب، لاخیش، حیفا، بنی براک، کریات گات اور اوزیا فیلڈ کے علاقوں پر گرنے کی اطلاعات موصول ہوئی ہیں۔

’مقبوضہ علاقے چھوڑدیں، یہ مستقبل میں ناقابلِ رہائش ہو جائیں گے‘ ایرانی فوج کا اسرائیلی شہریوں کو انتباہ

ایران کی مسلح افواج نے اسرائیل میں رہنے والے شہریوں کو متنبہ کیا ہے کہ وہ حساس علاقوں کے قریب جانے یا رہنے سے گریز کریں۔

ایرانی میزائل مقبوضہ حیفہ کے آسمان پر گرج رہے ہیں

مقبوضہ حیفہ میں ایرانی میزائل کا ہدف

فلسطینی بچوں کی دعا: اے خدا! ایرانی میزائل اپنے ہدف پر لگیں

اسرائیلی جارحیت کے سائے میں زندگی گزارنے والے فلسطینی بچوں کی زبان پر آج ایک ہی دعا ہے: "اے خدا! ایرانی میزائل اپنے ہدف پر لگیں۔

آگ کے شدید شعلے اب بھی قابض افواج کی امدادی ٹیموں کو جائے حملہ کے قریب جانے سے روک رہے ہیں۔

ایرانی میزائل کی تباہ کن گرج، مقبوضہ حیفہ لرز اٹھا

ایرانی میزائل کی تباہ کن گرج نے مقبوضہ حیفہ کو لرزا کر رکھ دیا۔ حملے کے نتیجے میں شہر کے مختلف حصوں میں زوردار دھماکوں کی آوازیں سنائی دیں، جبکہ آسمان پر دھوئیں کے گھنے بادل چھا گئے۔

مقامی ذرائع کے مطابق میزائل اپنے ہدف پر گرے، اور حملے کے بعد علاقے میں شدید آگ بھڑک اٹھی، جس نے قابض فورسز کی امدادی کارروائیوں کو بھی متاثر کیا۔ آگ کی شدت کے باعث اب تک امدادی ٹیمیں جائے حملہ تک پہنچنے میں کامیاب نہیں ہو سکیں۔

عینی شاہدین کا کہنا ہے کہ ایسا منظر پہلے کبھی نہیں دیکھا، پورا علاقہ دھماکوں اور آگ کی لپیٹ میں ہے۔

ایران کا صبح سویرے اسرائیل پر بڑا حملہ

ایران نے صبح سویرے اسرائیل پر بڑا حملہ کرتے ہوئے 100 کے قریب میزائل داغ دیے جس میں 4 اسرائیلی ہلاک جبکہ 100 سے زائد زخمی ہوگئے۔

 حیفہ میں ایران کے میزائل حملوں میں پاور پلانٹ میں آگ لگ گئی ، حیفہ پاور پلانٹ پر میزائل حملے کے نتیجے میں وسطی اسرائیل میں بجلی بند ہو گئی۔ 

تل ابیب اور مقبوضہ بیت المقدس میں دھماکے سنے گئے۔ اسرائیل کے دفاعی نظام نے کئی حملوں کو فضا میں ناکام بنانے کی کوشش کی۔

ایرانی میڈیا کے مطابق تل ابیب اور حیفہ پر ایران کے تازہ میزائل حملوں میں 4 اسرائیلی ہلاک اور 100 سے زائد زخمی ہوگئے۔

واضح رہے کہ اتوار کی رات بھی ایران نے اسرائیل کے متعدد مقامات پر میزائل حملے کئے تھے  جس میں کئی عمارتیں متاثر ہوئی تھیں۔حیفہ میں ایرانی میزائل حملے سے 4 افراد زخمی ہوئے تھے۔ 

 اسرائیل کے بن گورین ائیر پورٹ پر میزائل حملہ

اس سے پہلے  جمعہ کی رات سے ایران کے جوابی میزائل حملوں سے تل ابیب، حیفہ، تامرا، قیصریہ سمیت کئی اسرائیلی شہروں میں تباہی  ہوئی، کئی عمارتیں کھنڈر بن گئیں،حملوں میں 14 افراد ہلاک، 300سے زیادہ زخمی ہوئے۔

نوٹ: یہ ابتدائی خبر ہے اس خبر میں مزید تفصیلات شامل کی جا رہی ہیں لہٰذا نئی معلومات کیلئے صفحہ ریفریش کریں