مہر خبررساں ایجنسی کی رپورٹ کے مطابق، اقوام متحدہ نے انکشاف کیا ہے کہ اسرائیل نے گزشتہ ہفتے غزہ میں طبی مراکز پر حملوں کی شدت میں 400 فیصد اضافہ کیا ہے، جس کے نتیجے میں غزہ کا تقریبا پورا صحت کا نظام تباہ ہو چکا ہے۔
تفصیلات کے مطابق اقوام متحدہ کے سیکریٹری جنرل کے نائب ترجمان فرحان حق نے بتایا کہ صرف پچھلے ہفتے کے دوران کمال عدوان سمیت چار بڑے اسپتال اسرائیلی حملوں یا فوجی انخلاء کے احکامات کے باعث اپنی طبی خدمات معطل کرنے پر مجبور ہوگئے۔
انہوں نے عالمی ادارہ صحت کے حوالے سے کہا کہ اکتوبر 2023 سے اب تک غزہ میں طبی مراکز پر تقریباً 700 حملے ہوچکے ہیں، جن میں سے 4 فیصد یعنی صرف پچھلے ہفتے میں 28 حملے ریکارڈ کیے گئے۔ یہ جنگ شروع ہونے کے بعد یومیہ اوسط سے چار گنا زیادہ ہے۔
اقوامِ متحدہ کے مطابق غزہ کے کم از کم 94 فیصد اسپتال متاثر ہوچکے ہیں، جن میں سے نصف مکمل طور پر ناکارہ ہوچکے ہیں اور فلسطینیوں کو طبی سہولیات فراہم کرنے کے قابل نہیں رہے۔
آپ کا تبصرہ