مہر خبررساں ایجنسی نے شہاب نیوز ایجنسی کے حوالے سے خبر دی ہے کہ فلسطین کی تحریک اسلامی جہاد کے عسکری ونگ سرایا القدس نے غزہ پر قابض صیہونی فوج کے مرکز پر 107 گائیڈڈ میزائلوں سے حملے کئے ہیں۔ سرایا القدس کے مجاہدین نے غزہ کے جنوبی شہر خان یونس کے بعض علاقوں میں بھی آتشیں اسلحے اور گرنیڈ سے قابض فوجیوں پر حملہ کیا۔
قدس بریگیڈز کے مجاہدین نے ایک اسرائیلی کواڈ کاپٹر کو بھی مار گرایا جو غزہ کے وسطی علاقے میں جاسوسی مشن پر تھا۔
دوسری جانب فلسطینی قومی مزاحمتی فورسز نے آج صبح مقبوضہ علاقوں کے قصبے حولیت کو راکٹ حملے سے نشانہ بنانے کی اطلاع دی ہے۔
آپ کا تبصرہ