مہر خبررساں ایجنسی نے پاکستانی میڈیا سے نقل کیا ہے کہ نو مئی کے پرتشدد اور جلاؤ گھیراؤ کے واقعات میں ملوث ہونے کے تناظر میں چیئرمین پی ٹی آئی عمران خان اور ان کی اہلیہ بشری بی بی سمیت چھے سو سے زائد افراد کے نام نو فلائی لسٹ میں شامل کر دیے گئے ہیں۔ رپورٹ کے مطابق ان افراد میں کئی سابق ارکان اسمبلی بھی شامل ہیں جبکہ حماد اظہر، قاسم سوری، ڈاکٹر یاسمین راشد، مراد سعید، ملیکہ بخاری اور اسد قیصر سمیت پاکستان تحریک انصاف کے کئی مرکزی رہنماؤں کے نام بھی اس نو فلائی لسٹ میں شامل ہیں۔
گذشتہ تین روز کے دوران پی ٹی آئی کے بعض عہدیداروں نے ملک سے باہر جانے کی کوشش کی جن کو ہوائی اڈوں پر روکا گیا۔
ایف آئی اے حکام کا کہنا ہے کہ بیرون ممالک سفر سے روکنے کے لیے یہ نام پولیس ، سی ٹی ڈی اور خفیہ اداروں نے ارسال کیے۔ تمام ارکان کے نام ملک کے تمام ہوائی اڈوں اور ایگزٹ پوائنٹس پر فراہم کر دیئے گئے ہیں۔
آپ کا تبصرہ