صحافی، اسلامی نظام کی نرم طاقت کی تخلیق کا مظہر ہیں

مہر خبررساں ایجنسی کی رپورٹ کے مطابق اسلامی جمہوریہ ایران کی اعلی قومی سلامتی کونسل کے سکریٹری علی شمخانی نے یوم صحافی کی مناسبت صحافیوں کو مبارکباد پیش کرتے ہوئے کہا ہے کہ  صحافی اسلامی نظام کی نرم طاقت اور اقتدارکی تخلیق کا مظہر ہیں۔ انھوں نے کہا کہ ملکی و قومی سلامتی اور باہمی اتفاق و اتحاد کے استحکام اور فروغ میں صحافیوں اور اہل قلم افراد کا اہم کردار ہے ۔ شمخانی نے کہا کہ  ملکی، علاقائی اور عالمی سطح پر رونما ہونے والے واقعات کو صحافی درست اور سرعت کے ساتھ  معاشرے تک منتقل کرنے کی اہم اور خطیر  رسالت کو انجام دیتے ہیں ۔ انھوں نے کہا کہ صحافیوں کا ملکی نرم طاقت کی تخلیق میں اہم کردار ہے اور وہ ملک میں سیاسی ، اقتصادی ، ثقافتی اور سماجی شعبوں میں جاری پیشرفت اور توسیع کے ناظر اور نگراں ہیں۔