امریکی ریاست لاس اینجلس میں فائرنگ کے نتیجے میں 2 افراد ہلاک

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست لاس اینجلس کے شہر کیلی فورنیا کی ایک یونیورسٹی کے کیمپس میں فائرنگ سے دو افراد ہلاک ہوگئے ہیں۔ اطلاعات کے مطابق ایک شخص نے یونیورسٹی کے اندر داخل ہو کر فائرنگ کی جس سے دو افراد زخمی ہوئے۔زخمی افراد بعدازاں ہسپتال میں دم توڑ گئے۔ذرائع کے مطابق  اس واقعہ کے بعد کیمپس کو بند کر دیا گیا۔ تمام لوگوں کو یونیورسٹی سے نکال لیا گیا۔ پولیس نے یونیورسٹی کے اردگرد تمام علاقے کو سیل کر دیا۔پولیس حملہ آور کو تلاش کرنے کی کوشش کر رہی ہے۔واضح رہے کہ امریکہ کی یونیورسٹیوں میں فائرنگ کے واقعات معمول کی بات ہیں۔پولیس کے مطابق فائرنگ کا واقعہ سکول کی انجینئرنگ بلڈنگ 4کے قریب پیش آیا۔فائرنگ کرنے والا ایک سفید فام تھا جس کا قد 6فٹ بتایا گیا ہے۔اس نے کالے رنگ کی جیکٹ پہن رکھی تھی۔