ترکی اور یورپی یونین کے درمیان تارکین وطن کے بارے میں معاہدہ

تارکین وطن کے حوالے سے ترکی اور یورپی یونین کے درمیان معاہدہ طے پا گیا۔

مہر خبررساں ایجنسی نے رائٹرز کے حوالے سے نقل کیا ہے کہ تارکین وطن کے حوالے سے ترکی اور یورپی یونین کے درمیان معاہدہ طے پا گیا۔ بیلجیئم کے دارالحکومت برسلز میں یورپی یونین اور ترک وزیراعظم احمد داؤد اوغلو کے درمیان مذاکرات ہوئے جس میں معاہدے پر اتفاق کیا گیا۔ معاہدے کے تحت ترکی، یورپی ممالک جانے کے خواہشمند تارکین وطن کو اپنی سرحدوں پر روکے گا، جس کے بدلے اسے یورپی یونین کی جانب سے تقریباً 22 لاکھ شامی مہاجرین کے لیے 3 ارب ڈالر سے زائد کی امداد، ترک شہریوں کے لیے یورپ کے ویزا فری سروس کی سہولت اور یورپی بلاک میں ترکی کی دوبارہ شمولیت کے لیے دوبارہ بات چیت کا آغاز شامل ہے۔ معاہدے کے مسودے میں کہا گیا ہے کہ دونوں فریقین کے درمیان پناہ گزینوں کے حوالے سے طے پائے جانے والے معاہدے پر فوری عمل کا آغاز ہوگا۔

News Code 1859964

لیبلز

آپ کا تبصرہ

You are replying to: .
  • 3 + 1 =