مہر خبررساں ایجنسی کی رپورٹ کے مطابق، ایران اور امریکہ کے درمیان روم میں بالواسطہ مذاکرات کے اختتام پر عمان کے وزیر خارجہ بدر البوسعیدی نے ایرانی وزیر خارجہ سید عباس عراقچی اور امریکی صدر کے نمائندہ خصوصی اسٹیو وٹکاف کے انتہائی تعمیری رویے کی تعریف کرتے ہوئے ان کا شکریہ ادا کیا۔
انہوں ایکس پر ایک بیان میں کہا کہ مذاکرات کی رفتار میں تیزی آرہی ہے اور فریقین کے درمیان کچھ ناممکن معاملات کا حل بھی ممکن نظر آرہا ہے۔
عمانی وزارت خارجہ کے ترجمان نے پہلے ہی واضح کردیا تھا کہ ان مذاکرات کے نتیجے میں دونوں ممالک آئندہ مرحلے میں داخل ہونے پر متفق ہوگئے ہیں۔
ترجمان نے کہا تھا کہ آنے والے مذاکرات کا مقصد ایک منصفانہ، مستقل اور قابل عمل معاہدے تک پہنچنا ہے، جو ایران کو جوہری ہتھیاروں کے حصول سے روکے؛ ایران پر عائد تمام پابندیوں کا مکمل خاتمہ کرے اور پرامن مقاصد کے لیے جوہری توانائی کے حق کو تسلیم کرے۔
بیان میں مزید کہا گیا کہ آئندہ دور کے مذاکرات جلد عمان کے دارالحکومت مسقط میں منعقد ہوں گے۔
آپ کا تبصرہ