20 دسمبر، 2024، 10:53 PM

امریکی وفد کا دورہ دمشق، سیکورٹی خدشات کی وجہ سے پریس کانفرنس منسوخ

امریکی وفد کا دورہ دمشق، سیکورٹی خدشات کی وجہ سے پریس کانفرنس منسوخ

دمشق میں تکفیری دہشت گردوں سے ملاقات کرنے والے امریکی وفد نے سیکورٹی خدشات کی وجہ سے پریس کانفرنس منسوخ کردی ہے۔

مہر خبررساں ایجنسی نے الجزیرہ کے حوالے سے کہا ہے کہ شام کا دورہ کرنے والے امریکی سفارت کاروں دمشق میں دہشت گرد تکفیری تنظیم تحریر الشام کے رہنماؤں سے ملاقات کی ہے۔

تحریر الشام کے رہنماوں سے ملاقات کے بعد امریکی وفد نے پریس کانفرنس سے خطاب کرنا تھا تاہم شام میں امریکی سفارت خانے نے اعلان کیا کہ امریکی وفد کا ارادہ تھا کہ دمشق میں ابو محمد الجولانی سے ملاقات کے بعد ایک پریس کانفرنس کرے، لیکن یہ کانفرنس سیکیورٹی وجوہات کی بنا پر منسوخ کردی گئی۔

امریکی ذرائع ابلاغ نے ملاقات کے حوالے سے کہا ہے کہ فریقین کے درمیان مذاکرات مفید اور مثبت رہے۔ ملاقات کے دوران تحریر الشام کو امریکہ کی دہشت گرد گروپوں کی فہرست سے نکالنے پر تبادلہ خیال ہوا۔
 

News ID 1928957

لیبلز

آپ کا تبصرہ

You are replying to: .
  • captcha