مہر نیوز کے مطابق، ایران کی سپاہ پاسداران انقلاب نے صوبہ سیستان اور بلوچستان میں نام نہاد جیش العدل دہشت گرد گروپ کے ایک انتہائی مطلوب سرغنے کو گرفتار کر لیا ہے۔
سپاہ پاسداران انقلاب نے اطلاع دی کہ یہ گرفتاری صوبے کے ضلع پشین کے علاقے راسک میں عمل میں لائی گئی۔
رپورٹ میں کہا گیا ہے کہ فوری گرفتاری کا سامنا کرنے پر دہشت گرد نے خود کو گولی مار کر زخمی کر لیا، تاہم اسے ہسپتال منتقل کر دیا گیا، جہاں اس کا علاج جاری ہے۔
رپورٹ کے مطابق گرفتار دہشت گرد ماضی میں بسیج رضاکار فورس کے ہیڈ کوارٹر اور پشین میں پولیس اسٹیشن پر مسلح حملے میں ملوث تھا۔
مئی میں سیستان و بلوچستان میں انٹیلی جنس اور سیکورٹی فورسز کی طرف سے کی گئی دو الگ الگ مشترکہ کارروائیوں کے دوران دہشت گرد گروہ جیشن العدل کے سرغنوں کو گرفتار کیا گیا تھا۔
جیش العدل ایک بدنام زمانہ دہشت گرد گروپ ہے جس کا ہیڈ کوارٹر ہمسایہ ملک میں ہے جو ایران کے خلاف متعدد دہشت گردانہ حملوں میں ملوث رہا ہے۔
صوبے میں اس گروپ کے تازہ ترین دہشت گردانہ حملے اپریل میں ہوئے جن میں کم از کم پانچ پولیس اہلکار شہید ہو گئے۔
آپ کا تبصرہ