یوکرائن میں تعیینات فرانسیسی فوجیوں کو چن چن کر ماریں گے، روس

مہر خبررساں ایجنسی نے تاس کے حوالے سے کہا ہے کہ روسی پارلیمانی سربراہ کے معاون فرانس کی جانب سے یوکرائن میں فوج تعیینات کرنے کی خبروں پر شدید ردعمل ظاہر کرتے ہوئے کہا ہے کہ یوکرائن میں تعیینات کوئی بھی فرانسیسی فوجی واپس نہیں جاسکے گا۔

پیوٹر تولستوی نے کہا ہے کہ اس سے پہلے بھی یوکرائن میں متعدد فرانسیسی اہلکاروں کو ہلاک کیا گیا ہے مزید تعییناتی کی صورت میں یوکرائن میں سب کو ہلاک کیا جائے گا۔

انہوں نے کہا کہ یوکرائن کی مدد کے حوالے فرانسیسی صدر کے بیانات کو روس کوئی اہمیت نہیں دیتا ہے۔

اس سے پہلے روسی سلامتی کونسل کے نائب سربراہ دیمتری میدودوف نے کہا تھا کہ یوکرائن میں فوج بھیجنے کی صورت میں فرانسیسی فورسز کو ہلاک کرنا کوئی مشکل کام نہیں ہے۔ روسی فوج ترجیحی بنیادوں پر یہ کام کرے گی جس سے یورپ کو اچھا سبق ملے گا۔