افغانستان میں پاکستانی قونصل خانے کے باہر بھگدڑ مچنے سے کم از کم 15 افراد جاں بحق

افغان شہر جلال آباد میں پاکستانی قونصل خانے کے باہر ویزا حاصل کرنے کےلیے جمع ہونے والے ہجوم میں بھگدڑ مچنے سے کم از کم 15 افراد جاں ہوچکے ہیں۔

مہر خبر رساں ایجنسی نے رائٹرز کے مطابق نقل کیا ہے کہ جلال آباد میں پاکستانی قونصل خانے کے باہر ویزا ٹوکن حاصل کرنے کےلیے تقریباً 3000 افغانی جمع تھے جن میں خواتین اور بزرگ بھی شامل تھے۔

قونصل خانے کی کھڑکی کھلتے ہی ٹوکن حاصل کرنے کے خواہشمندوں کا یہ ہجوم بے قابو ہوگیا اور بھگدڑ مچ گئی جس کے نتیجے میں کم از کم 15 افراد پیروں تلے کچل کر مارے گئے۔ ایک مقامی عہدیدار کے مطابق مرنے والوں میں خواتین کے علاوہ بزرگ شہریوں کی تعداد زیادہ ہے۔

واضح رہے کہ ہر سال لاکھوں افغان شہری علاج معالجے، تعلیم، کاروبار اور تجارت کی غرض سے پاکستان جاتے ہیں۔

News Code 1903534

لیبلز

آپ کا تبصرہ

You are replying to: .
  • 9 + 7 =