امریکہ میں 5 مساجد کو بم سے اڑانے کی دھمکی

مہر خبررساں ایجنسی نے غیر ملکی ذرائع کے حوالے سے نقل کیا ہے کہ امریکہ میں 5 مساجد کو بم اڑانے ، موت اور دیگر نفرت آمیز دھمکیوں کے پیغامات موصول ہوئے ہیں۔ کونسل آف امریکن اسلامک ریلیشنز کے مطابق ایک خط میں لکھا ہے کہ لیکسینگٹن مسجد بلال میں جلد دھماکہ خیز مواد نصب کر دیا جائے گا۔ کونسل نے اسلامی مذہبی رہنمائوں سے کہا ہے کہ وہ مساجد کی سکیورٹی بہتر کرنے کیلئے اقدامات کریں۔ ایگزیکٹو ڈائریکٹر ایڈورڈ احمد متشل کے حوالے سے بتایا گیا ہے کہ تین مساجد کو دھمکیاں دی گئی ہیں کہ 15 مارچ کو امریکی مسلمانوں پر بڑے پیمانے پر حملے کئے جائیں گے۔