مہر خبررساں ایجنسی کی رپورٹ کے مطابق، انصاراللہ یمن کے رہنما محمد الفرح نے کہا ہے کہ یمن صیہونی جنگی مجرموں کی دھمکیوں کا بھرپور جواب دینے کے لیے مکمل طور پر تیار ہے۔ دشمن کی جانب سے دی جانے والی دھمکیاں محض جارحانہ پالیسیوں کو جواز فراہم کرنے کی کوشش ہیں، لیکن یمن ہر محاذ پر اسی زبان میں جواب دے گا۔
محمد الفرح نے اپنے بیان میں واضح کیا کہ یمن محض بیانات یا دعوؤں سے نہیں بلکہ ایسے عملی اقدامات سے جواب دے گا۔ انصاراللہ بخوبی جانتی ہے کہ صیہونی حکومت خطے پر اپنی بالادستی قائم کرنا چاہتی ہے، لیکن یمن کسی بھی جارحیت کو بھاری قیمت کے بغیر برداشت نہیں کرے گا۔
انہوں نے کہا کہ یمن کی پالیسی محض دھمکیوں پر مبنی نہیں بلکہ ایسے اقدامات پر مشتمل ہے جو دشمن کے لیے معاشی اور اسٹریٹجک بحران پیدا کریں گے۔ ہم محض اخباری بیانات نہیں دیتے بلکہ ایسے اقدامات کرتے ہیں جو دشمن کی تاریخ اور مستقبل دونوں پر بھاری پڑیں گے۔
یاد رہے کہ غزہ پر صہیونی حکومت کے وحشیانہ حملوں کے بعد یمنی بحری اور میزائل حملوں نے بحیرہ احمر میں صیہونی حکومت اور اس کے اتحادیوں سے وابستہ جہازوں کو نشانہ بنایا ہے۔
آپ کا تبصرہ