مہر خبررساں ایجنسی کی رپورٹ کے مطابق، ایرانی وزارت خارجہ کے ترجمان اسماعیل بقائی نے یمن پر صیہونی حملوں کی مذمت کرتے ہوئے کہا کہ صیہونی حکومت کے حملے یمنی عوام کے خلاف ایک کھلی مجرمانہ جارحیت ہے۔
انہوں نے مزید کہا کہ صیہونی حکومت کو امریکہ اور بعض مغربی ملکوں کی مکمل حمایت ہے جس کی وجہ سے مجرم حکومت سزا سے بچ رہی ہے۔ مغربی ممالک کی حمایت اور اقوام متحدہ کی خاموشی اس کے مسلسل مظالم اور تجاوزات کا اصل سبب ہے۔
بقائی نے اس بات پر زور دیا کہ خطے اور دنیا کی تمام حکومتیں نہ صرف مقبوضہ فلسطین میں جاری نسل کشی کو روکنے بلکہ صیہونی حکومت کے رہنماؤں کو ان سنگین جرائم پر سزا دلوانے کے لیے بھی قانونی اور اخلاقی طور پر ذمہ دار ہیں۔
آپ کا تبصرہ