مہر خبررساں ایجنسی نے المیادین نیوز چینل کے حوالے سے بتایا ہے کہ حزب اللہ نے لبنان کی سرحد کے مشرقی اور مغربی علاقوں میں صیہونی فوج کے ٹھکانوں پر پے در پے نو راکٹ داغے ہیں۔
حزب اللہ کی فورسز نے صیہونی فوج کے متعدد ٹھکانوں کو نشانہ بنانے کے ساتھ شبعا کے مقبوضہ میدان پر نصب اسرائیلی راڈار سسٹم پر بھی حملہ کیا جس میں دشمن کے متعدد فوجی ہلاک اور زخمی ہوئے۔
لبنانی مزاحمت سے وابستہ میڈیا نے صیہونی فوج کے ٹھکانوں پر کئے گئے حملوں کی تصاویر بھی شائع کیں۔
دوسری طرف صیہونی فضائی حملوں میں حزب اللہ کے 3 جوان شہید ہوگئے ہیں۔
واضح رہے کہ گذشتہ جمعرات کو حزب اللہ نے قابض صیہونی دشمن کے 13 فوجی ٹھکانوں کو براہ راست نشانہ بنایا۔
آپ کا تبصرہ