ترکیہ میں صدارتی اور پارلیمانی انتخابات کل ہوں گے

مہر خبررساں ایجنسی نے عالمی میڈیا سے نقل کیا ہے کہ ترک صدرطیب اردگان کے حریف کمال کلیک داراوغلو نے دارالحکومت انقرہ میں آخری انتخابی ریلی سے خطاب کیا۔ ریلی میں حامیوں کی بڑی تعداد نے شرکت کی اور ہاتھوں سے دل کے نشان بنا کرحمایت کا اظہارکرتے رہے۔

کمال کلیک داراوغلو نے اپنے خطاب میں کہا کہ ہمارے کارکنان اور مبصرین انتخابات والے دن تمام بیلٹ بکسزپرگہری نظر رکھیں گے۔

ایک سروے کے مطابق ووٹنگ کے پہلے مرحلے میں کلیک داراوگلو اردگان سے آگے ہیں، اگر کوئی امیدوار پہلے راؤنڈ میں نصف سے زیادہ ووٹ حاصل نہیں کرپاتا تو اٹھائیس مئی کو امیدواروں کے درمیان رن آف ہوگا۔