امریکہ کی مختلف ریاستوں میں فائرنگ سے 17 افراد ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ امریکہ کی مختلف ریاستوں میں فائرنگ کے الگ الگ واقعات میں17 افراد ہلاک اور 69 زخمی ہوگئے ہیں۔اطلاعات کے مطابق امریکہ میں گن وائیلنس آرکائیو کی رپورٹ میں کہا گیا ہے کہ گزشتہ 24 گھنٹے کے دوران امریکہ کے مختلف علاقوں میں فائرنگ کے 70 واقعات پیش آئے ہیں جن میں17 افراد ہلاک اور 69 زخمی ہوئے ہیں، واضح رہے کہ فائرنگ کے زیادہ تر واقعات کیلیفورنیا، شکاگو اور نیویارک میں پیش آئے، زخمیوں کو اسپتال منتقل کرا دیا گیا۔