شمالی وزیرستان میں پاک فضائیہ کی بمباری سے متعدد وہابی دہشت گرد ہلاک

مہر خبررساں ایجنسی نے ایکس پریس کے حوالے سے نقل کیا ہے کہ پاکستانی فوج کے تعلقات عامہ آئی ایس پی آر کے مطابق شمالی وزیرستان میں پاک فضائیہ کی بمباری کے نتیجے میں متعدد وہابی دہشت گرد ہلاک اور دہشت گردوں کے کئی ٹھکانوں کو بھی تباہ کر دیا گیا ہے۔ پاکستانی فوج کے شعبہ تعلقات عامہ (آئی ایس پی آر) کے مطابق شمالی وزیرستان کے سرحدی علاقے وچا بی بی میں دہشت گرد دوبارہ منظم ہونے کی کوشش کر رہے تھے کہ پاک فضائیہ کے جیٹ طیاروں نے ان کے ٹھکانوں کو نشانہ بنایا جس کے نتیجے میں متعدد دہشت گرد ہلاک اور ان کے کئی ٹھکانے بھی تباہ ہو گئے۔