کیلی فورنیا کے جنگلات میں آگ لگنے سے 6 افراد ہلاک

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست کیلی فورنیا کے جنگلات میں آگ لگنے سے 6 افراد ہلاک جبکہ 1500 سے زائد گھر تباہ ہو گئےہیں۔ذرائع کے  مطابق ریاست کے شعبہ ہنگامی حالات کے ترجمان براڈ الیگزینڈر نے کہا ہے کہ ویلی اور بٹ کے علاقوں میں لگنے والی آگ سے6 افراد ہلاک ہوئے، کروڑوں ڈالر کا نقصان ہوا اور1500 سے زیادہ گھر جل کر راکھ ہوگئے جبکہ ہزاروں افراد کو محفوظ مقامات پر منتقل ہونا پڑا، انھوں نے کہا کہ جنگلات کو لگنے والی آگ سے مجموعی طور پر 2600 سے زیادہ عمارتیں تباہ ہوئیں جن میں سے 1500سے زیادہ گھر تھے۔