جنوبی افریقہ میں ٹریفک حادثہ میں نو بچوں سمیت پندرہ افراد ہلاک ہوگئےہیں

مہرخبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ جنوبی افریقہ میں چھ گاڑیوں کے درمیان تصادم کے نتیجے میں نو بچوں سمیت پندرہ افراد ہلاک ہوگئےہیں جوہانسبرگ میں پولیس حکام کے مطابق صوبہ کیپ میں دو اسکول بسیں بچوں کو لے کر گھر جارہی تھیں کہ اچانک ایک منی بس سامنے سے آنے والے ٹرک سے ٹکراگئی جس کے باعث پیچھے آنے والی دوسری منی بس اور دیگر تین مزید گاڑیاں آپس میں ٹکراگئیں ۔حادثے میں نوبچوں سمیت پندرہ افراد ہلاک اورمتعدد زخمی ہوگئے ۔ تین زخمیوں کی حالت تشویش ناک بتائی جاتی ہے پولیس نے تحقیقات شروع کردی ہیں