جنوبی افریقہ میں ٹریفک حادثے یمں 20 بچے ہلاک ہوگئے

مہر خبررساں ایجنسی نے رائٹرز کے حوالے سے نقل کیا ہے کہ جنوبی افریقہ میں اسکول بس اور ٹرک کے درمیان تصادم کے نتیجے میں ایک ڈرائیور سمیت اسکول کے 20 بچے ہلاک ہوگئے ہیں۔ اطلاعات کے مطابق جنوبی افریقہ کے دارالحکومت پریٹوریا کے شمالی علاقے ویرینا اور برون کھورسٹپرٹ کے درمیان بچوں کو اسکول سےواپس لے جانے والی بس ایک ٹرک سے ٹکرا گئی۔مقامی انتظامیہ کے ترجمان کا کہنا تھا کہ بچوں کی لاشوں کو جلی ہوئی بس سے نکال لیا گیا ہے۔ پولیس کے ترجمان جیرالڈ سیڈیبل کا کہنا تھا کہ 'منی بس بچوں کو اسکول سے واپس لے جارہی تھی جو ٹرک سے ٹکرا گئی جس کے نتیجے میں آگ بھڑک اٹھی جس کے نتیجےمیں بس کا ڈرائیور بھی ہلاک ہوگیا جبکہ ٹرک ڈرائیور بچ گیا۔