مہر خبررساں ایجنسی نے رپورٹ دی ہے کہ نتن یاہو کی پالیسیوں کے خلاف صہیونی عوام کے مظاہروں میں شدت آرہی ہے۔ تفصیلات کے مطابق کل رات بڑی تعداد میں مظاہرین تل ابیب کی سڑکوں پر نکل آئے اور وزیراعظم نتن یاہو کی پالیسیوں کے خلاف احتجاج کیا۔
مظاہرین نے شہر کے مرکز میں جمع ہو کر نتن یاہو اور ان کی کابینہ کے خلاف نعرے لگائے، اور صہیونی یرغمالیوں کی رہائی میں حکومت کی ناکامی پر شدید تنقید کی۔
واضح رہے کہ حماس اور صہیونی حکومت کے درمیان جنگ بندی کے ذریعے درجنوں یرغمالی رہا ہوگئے تھے تاہم نتن یاہو کی انتہا پسند کابینہ نے دوبارہ غزہ پر چڑھائی شروع کی جس کی وجہ سے قیدیوں کے تبادلے کا عمل رک گیا۔
حماس کے مطابق اسرائیلی حملوں کی وجہ سے یرغمالیوں کی جان خطرے میں ہے۔
آپ کا تبصرہ