نتن یاہو کے خلاف صہیونی خاندانوں کا احتجاجی اجتماع، تمام یرغمالیوں واپسی اور جنگ کے خاتمے کا مطالبہ

مہر خبررساں ایجنسی کی رپورٹ کے مطابق، غزہ میں قید صہیونی فوجیوں کے اہل خانہ نے اسرائیلی وزیراعظم بنیامین نتن یاہو کی پالیسیوں کے خلاف شدید احتجاج کرتے ہوئے مقبوضہ علاقوں میں بڑے پیمانے پر مظاہروں کا اعلان کیا ہے۔

تفصیلات کے مطابق ان خاندانوں نے ایک باضابطہ بیان میں صہیونی حکومت سے فوری اور جامع معاہدے کا مطالبہ کیا ہے، تاکہ تمام صہیونی اسیران کی واپسی ممکن ہو اور جنگ غزہ کا خاتمہ کیا جاسکے۔

بیانیے میں کہا گیا ہے کہ نتن یاہو کی جنگ پسندانہ پالیسیوں کے باعث کئی قیدی ہلاک ہوچکے ہیں اور باقی ماندہ اسیران کو بچانا اب فوری ترجیح ہونی چاہیے۔

مظاہرین نے صہیونی عوام خصوصا یہودی آبادکاروں سے اپیل کی ہے کہ وہ سڑکوں پر نکلیں اور نتن یاہو کابینہ پر دباؤ ڈالیں تاکہ جنگ کے خاتمے اور قیدیوں کی رہائی کی راہ ہموار ہوسکے۔

اس احتجاج کو مبصرین اسرائیلی حکومت کے اندرونی دباؤ، سیاسی ناکامی اور غزہ جنگ کے خلاف عوامی بے زاری کی علامت قرار دے رہے ہیں۔