مہر خبررساں ایجنسی کی رپورٹ کے مطابق، سپاہ پاسداران انقلاب کی بحریہ کے سربراہ ایڈمرل علی رضا تنگسیری نے نئے سال کے آغاز پر آبنائے ہرمز اور خلیج فارس کے جزیروں میں تعینات میزائل، ڈرون اور دفاعی یونٹس کا دورہ کیا اور تازہ ترین صورتحال کا جائزہ لیا۔
انہوں نے کہا کہ آج اسلام کا محاذ کفر کے مقابلے میں پوری قوت سے ڈٹا ہوا ہے۔ ہمیں قرآن اور اہل بیت علیہم السلام سے وابستہ ہو کر اپنے ایمان کو مضبوط کرنا ہوگا۔ یقین رکھیں کہ دشمن ہمارا کچھ نہیں بگاڑ سکتا۔ جب وہ ہمارے سامنے آئیں گے تو راہِ فرار اختیار کریں گے۔ اگر ہم خدا کے فرمان پر عمل کریں تو اس کی مدد یقینی ہے۔
سپاہ پاسداران کی بحریہ کے کمانڈر نے مزید کہا کہ نیا سال ہماری جنگی صلاحیت میں اضافہ اور استکبار کے خلاف بھرپور تیاری کا سال ہے۔ آپ بہادر سپاہیوں کی محکم ارادوں سے ہماری کامیابی یقینی بنے گی کیونکہ اللہ ہمارے ساتھ ہے اور ہماری مدد کرے گا۔
خلیج فارس کے تینوں جزیروں کی جغرافیائی اہمیت اور آبنائے ہرمز کی اسٹریٹجک حیثیت پر روشنی ڈالتے ہوئے انہوں نے کہا کہ آبنائے ہرمز میں ہمارے جنگی اور حملہ آور یونٹس ہر لمحہ دشمن پر نظر رکھے ہوئے ہیں اور دشمن پر کاری وار کرنے کے لیے ذہنی اور جسمانی طور پر مکمل تیار ہیں۔ اگر جنگ چھڑ گئی تو دشمن کو ایسی جگہ سے کاری ضرب لگے گی جہاں سے اس نے کبھی تصور بھی نہیں کیا ہوگا۔
آپ کا تبصرہ