مہر خبررساں ایجنسی نے المعلومہ کے حوالے سے بتایا ہے کہ شام کی پارلیمنٹ کے رکن "میخائل ثلجہ" نے اتوار کے روز عراقی خبر رساں ایجنسی کو انٹرویو دیتے ہوئے کہا: "جب بھی امریکہ اپنے آپ کو محاصرے میں پاتا ہے اور میدان میں شکست کھانے لگتا ہے تو داعش اور دہشت گردوں گروہوں کو جیلوں سے آزاد کرانے کے ذریعے شام میں کشیدگی کو بحال کرنے کی کوشش کر رہا ہے"۔
اس رپورٹ کی بنیاد پر شامی رکن پارلیمنٹ نے کہا: دہشت گرد تنظیموں کو دوبارہ آزاد کرانے کا کھیل شام کی سرزمین پر دوبارہ قبضہ کرنے اور دہشت گردی اور داعش کے خلاف جنگ کے جھوٹے دعوی کے ساتھ اس ملک کے وسائل کو لوٹنے کا ایک بہانہ ہے۔
البتہ یہ مسئلہ سب پر واضح ہو چکا ہے اور امریکہ اور اس کے آلہ کاروں کی تباہی نزدیک ہے جب کہ شام ہمیشہ کے لئے متحد رہے گا۔
دوسری جانب شام کی پارلیمنٹ کے رکن "مغیث ابراہیم" نے بھی اس ملک کی سرزمین میں امریکی جارحیت پسندوں کی موجودگی کو شام میں آبادی اور اقتصادی مسائل میں اضافے کا سبب قرار دیتے کہا: قابض امریکی دہشت گرد فوج کے قافلوں کا شام کے وسائل(تیل اور گیس) لوٹنے کا شرمناک سلسلہ جاری ہے۔
آپ کا تبصرہ