خلیج فارس تعاون کونسل کے 38 ویں سربراہی اجلاس سے اہم ممالک کے سربراہ غائب

خلیج فارس تعاون کونسل کا 38 واں سربراہی اجلاس کویت میں منعقد ہوا، جس میں سعودی عرب سمیت اہم ملکوں کے سربراہاں شریک نہیں ہوئے جس کے باعث دو روزہ اجلاس کو مختصر کردیا گیا۔

مہر خبررساں ایجنسی نے رائے الیوم کے حوالے سے نقل کیا ہے کہ خلیج فارس تعاون کونسل کا 38 واں سربراہی اجلاس کویت میں منعقد ہوا، جس میں سعودی عرب سمیت اہم ملکوں کے سربراہاں شریک نہیں ہوئے جس کے باعث دو روزہ اجلاس کو مختصر کردیا گیا۔ چھ عرب ممالک پر مشتمل خلیج تعاون کونسل کے سربراہی اجلاس کی صدارت امیر کویت شیخ صباح الاحمد الجابر الصباح نے کی۔ سعودی عرب کے امریکہ نواز شاہ سلمان بن عبدالعزیز سمیت بحرین، متحدہ عرب امارات اور سلطنت عمان کے سربراہان بھی اجلاس سے غائب رہے جن کی نمائندگی یا تو وزرائے خارجہ نے کی یہ وزرائے اعظم کے نمائندوں نے کی۔ جبکہ قطر کے امیر شیخ تمیم بن حمد آل ثانی واحد سربراہ تھے جو اس سربراہی اجلاس میں شریک ہوئے تھے جس کے باعث اجلاس کا دورانیہ دو روز کے بجائے یک روز تک مختصر کرنا پڑا۔ قطر بحران شروع ہونے کے بعد خلیج فارس تعاون کونسل کا یہ پہلا سربراہی اجلاس تھا۔ جس میں 6 میں سے 4 ممالک کے سربراہان غائب تھے۔

News Code 1877151

لیبلز

آپ کا تبصرہ

You are replying to: .
  • 3 + 0 =