ظریف کی اشٹائن مائر کو جرمنی کا صدر منتخب ہونے پر مبارک باد

مہر خبررساں ایجنسی کی رپورٹ کے مطابق اسلامی جمہوریہ ایران کے وزیر خارجہ محمد جواد ظریف نے ایک پیغام میں جرمنی کے سابق وزیر خارجہ فرانک والٹر اشٹائن مائر کو جرمنی کا صدر منتخب ہونے پر مبارکباد پیش کی ہے۔ ظریف نے اپنے پیغام ایران اور جرمنی کے باہمی تعلقات کو فروغ دینے پر بھی تاکید کی ہے۔ واضح رہے کہ جرمنی کی خصوصی دستوری اسمبلی نے سابق وزیر خارجہ اور سوشل ڈیموکریٹک پارٹی کے رہنما فرانک والٹر اسٹائن مائر کو کثرت رائے سے جرمنی کا  نیا صدر منتخب کر لیا ہے۔ اطلاعات کے مطابق جرمنی کی خصوصی اسمبلی میں ہونے والی خفیہ رائے شماری میں اسٹائن مائر کو 1260 میں سے 1239 ووٹ ملے۔ فرانک والٹر 77 سالہ ژوآخم گاؤک کی جگہ جرمنی کے صدارتی عہدے پر فائز ہوگئے ہیں۔