امریکی ریاست ٹیکساس میں فائرنگ سے 8 افراد زخمی ہوگئے ہیں

مہر خبررساں ایجنسی نے اے بی سی نیوز کے حوالے سے نقل کیا ہے کہ امریکی ریاست ٹیکساس کے شاپنگ مال میں فائرنگ سے 8 افراد زخمی ہوگئے ہیں جب کہ پولیس نے مشتبہ حملہ آور کو گولی مار کر ہلاک کردیا ہے۔  اطلاعات کے مطابق ٹیکساس کے شاپنگ سینٹر میں فائرنگ ہوئی جس کے فوری بعد پولیس نے جائے وقوعہ پر پہنچ کر ملزم کی تلاش شروع کی تو اس دوران نامعلوم شخص کی فائرنگ سے متعدد افراد زخمی ہوگئے تھے۔        اطلاعات کے مطابق پولیس کی جوابی فائرنگ کے نتیجے میں حملہ آور ہلاک ہوگیا جب کہ زخمیوں کو اسپتال منتقل کردیا گیا۔