سانحہ گلشن اقبال پارک کے 3 سہولت کارگرفتار کرلیا

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستانی فوج ، رینجرز اور حساس ادارے کے اہلکاروں نے راج گڑھ میں کارروائی کرتے ہوئے سانحہ گلشن اقبال پارک کے 3 سہولت کاروں کو حراست میں لے کر ان کے قبضے سے اہم دستاویزات برآمد کرلیں ہیں۔ اطلاعات کے مطابق لاہور کے علاقے راج گڑھ میں رینجرز اور حساس ادارے کے اہلکاروں نے خفیہ اطلاعات کی بنیاد پر کارروائی کرتے ہوئے 3 وہابی دہشت گردوں کو حراست میں لے لیا۔ تینوں ملزمان کو نامعلوم مقام پر منتقل کردیا گیا ہے۔ذرائع کے مطابق تینوں ملزمان 2 روز قبل گلشن اقبال پارک میں ہونے والے خودکش دھماکے میں ملوث اور دہشت گردوں کے سہولت کار ہیں، ملزمان کے قبضے سے اہم دستاویزات بھی برآمد ہوئی ہیں۔ پاکستانی ذرائع کے مطابق پاکستان میں وہابی مدارس دہشت گردی کے اصلی مراکز ہیں جب تک ان کے خلاف کارروائی نہیں ہوتی اور وہابی نظریات کو پاکستانی سرزمین سے محو نہیں کیا جاتا تب تک پاکستان سے دہشت گردی کا خاتمہ ممکن نہیں۔