مہر خبررساں ایجنسی نے ایکسپریس نیوزکےحوالے سے نقل کیا ہے کہ پاکستان کے شہر کوئٹہ میں ملتانی محلہ میں مسجد کے باہر مسلح دہشت گردوں کی فائرنگ سے سکیورٹی پر تعینات 2 پولیس اہلکار ہلاک جب کہ ایک راہگیر زخمی ہوگیا۔اطلاعات کے مطابق کوئٹہ کے ملتانی محلہ میں نامعلوم مسلح افراد کی جانب سے مسجد کے باہرفائرنگ کی گئی جس کے نتیجے میں سکیورٹی پر تعینات 2 پولیس اہلکار واجد اورمشتاق زخمی ہوگئے، زخمی پولیس اہلکاروں کو سول اسپتال منتقل کیا جارہا تھا کہ وہ راستے میں ہی دم توڑ گئے۔
پولیس کے مطابق ہلاک ہونے والے اہلکار واجد اور مشتاق نماز جمعہ کے موقع پرمسجد کے باہر ڈیوٹی پر تعینات تھے کہ فائرنگ کی گئی۔ پولیس حکام کا کہنا ہے کہ واقعہ کا مقدمہ درج کر کے ملزمان کی تلاش کے لئے علاقے میں سرچ آپریشن شروع کردیا گیا ہے۔
آپ کا تبصرہ