امریکی شہر سین برناڈینومیں فائرنگ سے 14 افراد ہلاک

مہر خبررساں ایجنسی نے رائٹرز کے حوالے سے نقل کیا ہے کہ امریکہ کی ریاست کیلی فورنیا کے شہر سان برناڈینو میں فائرنگ سے 14افراد ہلاک جبکہ متعدد زخمی ہوگئے ہیں۔ امریکی اسپیشل فورسز نے تعاقب کرکے ایک حملہ آور کو ہلاک ،دوسرے کو گرفتار کرلیا۔ امریکی میڈیا کے مطابق فائرنگ کا واقعہ کیلی فورنیا کے شہر سین برناڈینو میں معذور افراد کی دیکھ بھال کے ایک مرکز میں پیش آیا۔ پولیس نے شبہ ظاہر کیا ہے کہ حملہ آوروں کی تعداد 3 تک ہوسکتی ہے۔ اُنہوں نے فوجی یونیفارم کے علاوہ ممکنہ طور پر انہوں نے باڈی آرمر بھی پہن رکھے تھے۔ پولیس نے علاقے کا محاصرہ کر رکھا ہے اور لوگوں کو گھروں میں رہنے کی ہدایت کی ہے۔ امریکی پولیس کے مطابق فائرنگ سے 14 افراد مارے گئے ہیں جبکہ17افراد زخمی ہوئے ہیں۔