مہر خبررساں ایجنسی نے شنہوا کے حوالے سے نقل کیا ہے کہ فلپائن کے شہر سیبو میں ایک مسلح شخص نے فائرنگ کرکے 2 چینی سفارتکاروں کو ہلاک جب کہ ایک کو زخمی کر دیا ہے۔ اطلاعات کے مطابق فائرنگ کا واقعہ فلپائن کے وسطی شہر سیبو کے ایک ریسٹورنٹ میں پیش آیا۔ پولیس ترجمان کے مطابق مسلح شخص کی فائرنگ سے چین کا ڈپٹی قونصلر اور فنانس افسر ہلاک جبکہ قونصلر جنرل شدید زخمی ہوئے۔ ترجمان کا کہنا تھا کہ فائرنگ کے واقعے کے بعد ایک چینی سفارتکار کے شوہر اور سفارتخانے میں کام کرنے والی ایک خاتون کو گرفتار کر لیا گیا ہے۔ دارالحکومت منیلا میں چینی سفارت خانے کی ترجمان لی لنگ شیاؤ نے کہا کہ وہ فوری طور پر واقعے کے حوالے سے کوئی تبصرہ نہیں کرسکتیں۔
فلپائن کے شہر سیبو میں ایک مسلح شخص نے فائرنگ کرکے 2 چینی سفارتکاروں کو ہلاک جب کہ ایک کو زخمی کر دیا ہے۔
News ID 1859022
آپ کا تبصرہ