ملتان میں وہاڑی چوک میں میں 10 افراد ہلاک ،60 زخمی

مہر خبررساں ایجنسی نےایکسپریس نیوز کے حوالے سے نقل کیا ہے کہ پاکستان کے شہر ملتان میں وہاڑی چوک میں بس اسٹینڈ کے قریب دھماکے کے نتیجے میں 10 افراد ہلاک اور60 زخمی ہوگئے ہیں۔اطلاعات کے مطابق ملتان میں وہاڑی چوک میں بس اسٹینڈ کے قریب رکشے میں زور دار دھماکہ  ہوا جس کے نتیجے میں 10 افراد ہلاک  اور 60  زخمی ہوگئے ہیں جب کہ دھماکے سے 3 رکشوں اورقریبی دکانوں کو بھی شدید نقصان پہنچا، امدادی ٹیموں کے اہلکاروں نے جائے وقوعہ پر پہنچ کر لاشوں اورزخمیوں کو  نشتر اسپتال منتقل کردیا ہے جہاں بعض زخمیوں کی حالت تشویشناک بتائی جارہی ہے۔

پولیس اور قانون نافذ کرنے والے اداروں نے جائے وقوعہ پر پہنچ کر علاقے کو گھیرے میں لے کرشواہد اکٹھے کرکے تحقیقات کا آغاز کردیا۔ سول ڈیفنس کے مطابق دھماکے کی آواز دور دور تک سنی گئی جب کہ دھماکے کے بعد زمین میں بہت بڑا گھڑا پڑ گیا۔