دوست کی دو بیٹیوں کو ہلاک کرے والا سفاک قاتل گرفتار

مہر خبررساں ایجنسی نے پاکستانی ذرائع کے حوالے سے نقل کیا ہے کہ کراچي میں پولیس نے 2 بہنوں کو بے دردی سے قتل کرنے والے سفاک قاتل کو لانڈھی سے گرفتار کر لیا ہے۔ اطلاعات کے مطابق پولیس نے کراچی کے علاقے لانڈھی میں کارروائی کر کے گزشتہ روز 2 بہنوں 9 سالہ نوشین اور 16 سالہ افشین کو قتل کرنے والے ملزم زاہد اقبال کو گرفتار کرلیا۔ پولیس حکام کے مطابق ملزم مقتول بہنوں کے والد کا دوست ہے اور اس کے خلاف مقدمہ درج کر کے تحقیقات کا آغاز کردیا گیا ہے۔واضح رہے کہ گزشتہ روز قائد آباد کے علاقے مجید کالونی میں زاہد اقبال ساتھیوں کے ہمراہ اپنے دوست کے گھر میں داخل ہوا اور بدتمیزی کی کوشش کی جس پر نوشین اور افشین نے مزاحمت کی تو ملزم نے اپنے ساتھیوں کے ہمراہ دونوں بہنوں کو تیز دھار آلے کی مدد سے قتل کردیا۔