پاکستانی فوج نےبنوں سے طالبان دہشت گرد کو گرفتار کرلیا

مہر خبررساں ایجنسی نے جنگ کے حوالے سے نقل کیا ہے کہپاک فوج نے بنوں میں کارروائی کرتے ہوئے کالعدم دہشت گرد تحریک طالبان پاکستان کے اہم دہشت گرد کو گرفتار کرلیا اور اس کے قبضہ سے اسلحہ، جعلی پاسپورٹ اور 100 شناختی کارڈز بھی برآمد کرلئے ہیں۔ پاک فوج کے شعبہ تعلقات عامہ کے مطابق فورسز نے بنوں کے علاقے سرائے نورنگ میں خفیہ اطلاع پر کارروائی کی اور اس دوران کالعدم تحریک طالبان پاکستان کے دہشت گرد رسول خان کو گرفتارکرلیا۔ ترجمان کے مطابق ملزم کے قبضے سے بڑی تعداد میں اسلحہ، 3 جعلی پاسپورٹس اور 100 شناختی کارڈز بھی برآمد کئے جب کہ ملزم سے مزید تفتیش کی جارہی ہے۔