ہمیں شہداء کے وژن پر عمل کرنے کی ضرورت ہے، صدر پزشکیان

مہر خبررساں ایجنسی کی رپورٹ کے مطابق، ایران کے صدر مسعود پزشکیان نے آج راہیان نور کونسل کے ارکان سے ملاقات کے دوران شہداء کے وژن اور ان کی ثقافت کی اہمیت پر زور دیا۔

 انہوں نے کہا کہ آج حالات دفاع مقدس کے دور سے کہیں زیادہ پیچیدہ ہیں اور دشمن اپنے تمام لاولشکر کے ساتھ ہمارے عقائد پر حملہ آور ہے۔

 پزشکیان نے کہا کہ اس حساس دور میں ہمیں شہداء کے تفکر اور ثقافت کی پہلے سے زیادہ ضرورت ہے۔ 

انہوں نے مزید کہا کہ ہمارے شہداء نے مضبوط ایمان اور یقین کے ساتھ اپنی جان و مال کی قربانی دی اور دشمن کے عزائم کو خاک میں ملا دیا۔
 
صدر پزشکیان نے کہا: میں یقین رکھتا ہوں کہ ہم  شہداء کے طرز تفکر اور ثقافت اپنا کر موجودہ مسائل کو مؤثر طریقے سے حل کر سکتے ہیں۔