مہر خبررساں ایجنسی کے مطابق، صہیونی حکومت نے شام پر جارحیت کا سلسلہ جاری رکھتے ہوئے دارالحکومت دمشق کو ہدف بنایا۔
اطلاعات کے مطابق صہیونی جنگی طیاروں نے جنوبی دمشق پر حملہ کیا جس کے بعد علاقے میں زوردار دھماکوں کی آوازیں سنائی دیں۔
مقامی ذرائع نے کہا ہے کہ صہیونی جنگی طیارے کم بلندی پر پرواز کررہے ہیں جس سے عوام میں خوف و ہراس پھیل رہا ہے۔
صہیونی فوج نے الکسوہ اور درعا کے نواحی علاقوں پر بھی بمباری کی ہے۔ علاوہ برایں فضائی حملوں کے ساتھ ساتھ صہیونی زمینی فوج بھی شام میں داخل ہوچکی ہے۔
اطلاعات کے مطابق صہیونی فورسز اس وقت قنیطرہ اور درعا کے جنوبی علاقوں میں زمینی کارروائی میں مصروف ہیں۔
صہیونی ذرائع نے تصدیق کی ہے کہ اسرائیلی فوج نے شام کی فوجی تنصیبات پر حملہ کیا اور دمشق میں اسلحہ کے ذخائر کو نشانہ بنایا ہے۔
حملوں کسی قسم کے جانی و مالی نقصان کی تاحال کوئی تفصیلات جاری نہیں کی گئی ہیں۔
آپ کا تبصرہ