مہر خبررساں ایجنسی کے نامہ نگار نے کہا ہے کہ سپاہ پاسداران انقلاب کے سربراہ میجر جنرل حسین سلامی نے آج ایرانی پارلیمنٹ کے غیر رسمی اجلاس میں شرکت کرکے شام کی تازہ ترین صورتحال پر بریفننگ دی۔
قومی اسمبلی کی سلامتی کمیٹی کے ترجمان ابراہیم رضائی نے مہر نیوز سے گفتگو کرتے ہوئے کہا ہے کہ سپاہ پاسداران انقلاب اسلامی کے سربراہ نے پارلیمنٹ کے غیر علانیہ اجلاس میں واضح کیا کہ ایران کمزور نہیں ہوا اور اس کی طاقت میں کوئی کمی نہیں آئی۔
انہوں نے پارلیمنٹ کے اجلاس کی روداد بیان کرتے ہوئے کہا کہ جنرل حسین سلامی نے اجلاس کے دوران ملک اور خطے کے حالات پر اظہار خیال کیا۔ اس موقع پر پانچ اراکین اسمبلی نے بھی اپنی آراء پیش کیں۔
ترجمان کے مطابق جنرل سلامی نے اجلاس میں کہا کہ ایران کی طاقت میں کوئی کمی واقع نہیں ہوئی اور صیہونی حکومت کا خاتمہ اب بھی ایران کے ایجنڈے کا حصہ ہے۔
انہوں نے مزید کہا کہ آج مزاحمت خودکفیل ہو چکی ہے۔ جنرل سلامی نے داعش کو شکست دینے میں شہید قاسم سلیمانی کی خدمات کو سراہتے ہوئے ہوئے کہا کہ شہید سلیمانی نے بہترین حکمت عملی کے ساتھ خطے میں امریکی ناپاک منصوبوں کو ناکام بنایا۔
آپ کا تبصرہ