مہر خبررساں ایجنسی نے عالمی میڈیا کے حوالے سے نقل کیا ہے کہ ترجمان اقوام متحدہ کا کہنا ہے کہ غزہ کے علاقے المواسی میں اسرائیلی فوج کی کارروائیوں میں 5 ہزار فلسطینی بےگھر جبکہ کئی زخمی ہوگئے ہیں۔
فلسطینی خبر ایجنسی کے مطابق غزہ میں گزشتہ رات اسرائیلی فوجی حملوں میں 4 بچوں سمیت 6 فلسطینی شہید جبکہ 15 زخمی ہیں۔
دوسری جانب مغازی پناہ گزین کیمپ پر حملے میں کئی فلسطینیوں کے زخمی ہونے کی اطلاعات ہیں۔
یو این ادارہ برائے فلسطینی پناہ گزین کا کہنا ہے کہ غزہ کے فلسطینی تباہ شدہ عمارتوں اور خیمہ بستیوں میں رہ رہے ہیں، ان کیمپس کے اطراف گندگی کے ڈھیر لگے ہوئے ہیں، جو ناقابل برداشت حالات میں ہیں۔ ان کا کہنا ہے کہ غزہ میں قحط شدت اختیار کر رہا ہے جبکہ بیماریوں کے خطرات بھی بڑھ رہے ہیں۔
اسرائیل کی غزہ میں جاری جنگ میں اب تک کم از کم 37 ہزار 765 افراد جاں بحق جبکہ 86 ہزار 429 زخمی ہوچکے ہیں۔
آپ کا تبصرہ