عمان کا ایران اور امریکہ کے درمیان ثالثی کا کردار ادا کرنے کے لئے آمادگی کا اظہار

مہر خبررساں ایجنسی کی رپورٹ کے مطابق عمان کے وزیر خارجہ یوسف بن علوی نے الجزیرہ کے ساتھ گفتگو میں اپنے امریکی سفر کی طرف اشارہ کرتے ہوئے کہا ہے کہ کہ ان کا ملک ایران اور امریکہ کے درمیان ثالثی کے لئے آمادہ ہے۔ عمان کے وزیر خارجہ نے کہا کہ میں  ایرانیوں کیطرف سے امریکیوں کے لئے کوئی پیغام نہیں لایا ہوں لیکن اس بات پر یقین رکھتا ہوں کہ گفتگو کا آغاز کیا جاسکتا ہے۔ یوسف بن علوی نے کہا کہ ایران اور امریکہ کے درمیان لڑائی سے خطے میں تباہی پیدا ہوجائے گی ۔ لہذا گفتگو ہی مسائل کو حل کرنے کا بہترین طریقہ ہے۔